с.Чурапча ул. Ленина д.30А +7 (41151) 41-103 churportal@mail.ru

Хоһооҥҥо хоһуйуллубут, ырыаҕа ылламмыт, хатыҥ чараҥынан сууламмыт Чурапчым тоҕус томторуттан биир кэрэ мааны көстүүлээх, үлэһит үтүө дьоннордоох, элбэх эдэр ыччаттаах «Мурун Тыымпыйа» ТОС буолар. Мурун Тыымпыйаҕа барыта 10 уулуссанан: Природнай, Хатыҥнаах, Пятилетка, Нерюнгринскай, Рабочай, пер.Рабочай, Тумуһахтаах, Севернай, Федоров, Юбилейнай 933 киһи олорор. ТОС салайааччыта Варвара Петровна Пудова буолар.  Түөлбэ салайааччыларынан Лонгинова А.И., Матвеева Л.П., Горохова С.А., Пономарева Р.С., Васильева М.М., Петрова Т.А., Винокурова Е.Н. үлэлииллэр. Кырдьаҕастар түмсүүлэрин Владимирова М.А., эр дьон түмсүүтүн Корякин В.П., эдэр ыччат түмсүүтүн Максимов Н.Н., Челбердирова А.П. көҕүлээн үрдүк таһымҥа үлэлэтэ сылдьаллар.  2018 сылга Мурун Тыымпыйа ТОС олохтоохторун сүбэ мунньаҕынан бигэргэтиллэн ППМИ (программа поддержки местных инициатив) программатыгар кыттан 4 уулусса: Природнай, Хатыҥнаах, Пятилетка уонна Нерюнгринскай уотунан сандаардылар.