с.Чурапча ул. Ленина д.30А +7 (41151) 41-103 churportal@mail.ru

Чурапчы нэһилиэгэр өссө биир көхтөөх С.И.Алексеева салайааччылаах "Маарыкчаан" ТОС буолар. Салайааччы солбуйааччытынан М.Г.Аммосов үлэлиир. ТОС иһинэн 7 түөлбэ баар: "2 квартал"- сал. А.В.Дьячковская, "Октябрьскай"-сал. А.Ф.Попова, "Өтөхтөөх"-сал. И.С.Петрова, "Үрдэл"-сал. Т.А.Степанова, "Оскуола томторо"-сал. А.И.Беляева, "Аартык" - сал. О.Е.Монастырева, "Сбербанк томторо"-сал. О.Б.Игнатьева. Биир бастыҥ үлэлээх түөлбэ общественнай түмсүүтүнэн буолар доруобуйаларынан хааччахтаах дьон түмсүүтэ, сал. Т.И.Дьяконова. ТОС бастыҥ актыбыыһа И.Г.Макаров түөлбэ тупсарын туһугар көҕөрдүү, ыраастааһын үлэтин үрдүк таһымнаахтык сылын аайы тэрийэн ыытар, ону таһынан кини көҕүлээһининэн араас таһымнаах социальнай хайысхалаах көмө акциялар, дьаһаллар ыытыллаллар. 2017 сылга ТОС-тар икки ардыларынааҕы күрэххэ I миэстэ, 2018 сылга II мистэ буолары ситиспиттэрэ бу ТОС бары олохтоохторун түмсүүлээх, таһаарыылаах үлэтин улахан ситиһиитэ буолар. Эр муус, Аҕа, тыы күрэхтэригэр сыл ахсын инники күөҥҥэ сылдьаллар. Түөлбэ ытык кырдьаҕастарыгар, доруобуйаларынан хааччахтаах дьонугар дьиэлэринэн сылдьан кэпсэтэн, эҕэрдэлээн болҕомто ууруллар. Ону кытта кыаммат, элбэх оҕолоох ыалларыгар араас кыһалҕаларыгар көмө буолаллар. Маны таһынан скандинавскай хаамыыны, араас маастар кылаастары, быыстапкалары тэрийэн ыыталлар. Чурапчы улууһун мунньаҕын депутаттара Н.В.Уарова, Е.С.Иванова, Чурапчы нэһилиэгин мунньаҕын депутаттара Ю.Ю.Макаров, И.И.Бушков, В.Д.Сивцев буолаллар.