с.Чурапча ул. Ленина д.30А +7 (41151) 41-103 churportal@mail.ru

Чурапчыбыт нэһилиэгэр "Куоҕалы" ТОС, биир бастыҥ үлэлээх ТОС буолар. ТОС салайааччытынан Федора Самсоновна Седалищева 2013 сылтан улэлии олорор. Бу иһинэн 7 түөлбэ улэлиир: "Нидьили" (сал. В.И.Сивцева)"Куоҕалы" (сал. Л.К.Жиркова), "Куохара" (сал. А.М.Коркина), "Западнай" (сал. Е.Д.Лазарева), "Эрилик Эристиин" (сал. Е.И.Макарова), "Петровскай" (сал. О.И.Тимофеева), "Красильников" (сал. М.А.Данилов) буолаллар. Ону таһынан эр дьон, дьахтар , эдэр ыччат, эдэр ийэлэр, ветераннар түмсүүлэрэ ситимнээх, былааннаах үлэни ыыталлар. Нэһилиэнньэ ахсаана 3020 киһи олорор. 2018 сылга муниципальнай проекка кыттан 1 200 000 солк. ылан, сквер тутуутун саҕалаатылар. Бу сылга  Куохара үрэҕи Ленин уулуссанан арҕаа баска туоруур саҥа муоста тутуллуохтаах. ТОС олохтоохторо 8-с төгүлүн ыытыллар, сыл бастыҥнарын ааттыыр саҥа дьыла буолан ааста. Быйылгы тэрээһини "Западнай" түөлбэ иилээн - саҕалаан ыытта. Сыл түмүгүнэн көһө сылдьар кубогы быйыл "Петровскай" түөлбэ ылары ситистэ. Бу ТОС-ка Чурапчы улууһун мунньаҕын депутаттара Н.В.Уарова, Е.С.Иванова, С.С.Новгородов, Чурапчы нэһилиэгин мунньаҕын депутаттара Е.В.Попов,  Ю.П.Посельский, В.Р.Скрябин буолаллар.