с.Чурапча ул. Ленина д.30А +7 (41151) 41-103 churportal@mail.ru

2008 сыл муус устар 14 күнүгэр Республикаҕа бастакынан Чурапчы нэһилиэгэр Е.Н.Ермолаева салайааччылаах "Чараҥ" ТОС тэриллибитэ. Онтон 2011 сылтан салайааччынан И.Н.Архипов үлэлии-хамсыы олорор. Чараҥ ТОС нэһилиэнньэтин уопсай ахсаана 1872 тэҥнэһэр. ТОС иһинэн 8 түөлбэ үлэлиир, онтон биир бастыҥнарынан П.И.Феоктистова салайааччылаах "ДЭС" түөлбэтэ буолар. Ону тэҥэ үрдүк көрдөрүүлээх, көхтөөх үлэлээх ТОС эр дьонун түмсүүтэ буолар, салайааччы А.И.Коркин. Ол курдук хас биирдии олохтоох түөлбэтин туһугар кыһамньыта улахан. Ленин, Октябрьскай, С.Сергеев уулуссалары оҥоруу, оҕо сынньанар площадкатын, уйэтитии скверин тутуу, көҕөрдүү, ыраастааһын үлэлэригэр нэһилиэнньэ көхтөөх кыттыыны ылбыта. ТОС үлэтигэр саамай күүс - көмө, тирэх буолар "Мичил" уһуйаан тэрилтэтэ, сэбиэдиссэй - М.Н.Яковлева.  Нэһилиэккэ бастакынан бу түөлбэҕэ сайыҥҥы уу ситимэ үлэҕэ киирбитэ, быйыл 10-с сыла буолла. 2018 сыл олунньу ыйга газ ситимэ (IV пусковой комплекс) холбонон күннээҕи олохторо чэпчээн олороллор. Бу ыытыллыбыт үлэлэргэ хас биирдии түөлбэ олохтооҕо бэйэтин кылаатын киллэрбитэ бэлиэтэнэр. Сылын аайы ыытыллар күрэхтэргэ көхтөөхтүк кыттан кэккэ сылларга бириистээх миэстэҕэ тиксибиттэрэ.