Сэтинньи 8 күнүгэр "Чурапчы нэһилиэгэ" МТ дьаһалтата уонна "Удьуор" эр дьон түмсүүтэ уол оҕолорго саха төрүт үгэһин, сиэрин-туомун иитиигэ-үөрэтиигэ сыаллаах муҥха тэрийэн ыыттылар. Бу күн оскуола оҕолоро кэлэн сибиэһэй салгынынан тыынан, муҥхалаатылар. Маны кытта ойбон алларыытыгар, кутаа оттуутугар уонна чэй оргутуутугар күрэхтэстилэр. Тыҥааһыннаах киирсии түмүгэр I миэстэ С.К.Макаров аатынан улуустааҕы гимназия уолаттара буоллулар.
Баай байанай көмүс хатырыктааҕынан күндүлээн, оҕолор үөрэн-көтөн тарҕастылар.

Саха сиригэр уонна Россияҕа Ийэ күнүн декадатын чэрчитинэн Чурапчы улууһугар бу кэмҥэ оҕоломмут Чурапчыбыт нэһилиэгин ийэтин үөрүүлээх быһыыга-майгыга роддомтан выпискалаатылар. Эдэр ийэни олоҕугар биир кэрэ кэминэн "Чурапчы нэһилиэгэ" МТ баһылыгын социальнай боппуруостарга солбуйааччы А.А.Пермякова чөл олохтоох, доруобай дьиэ кэргэҥҥэ дьоллоох оҕо саастаах оҕону иитэн таһаарарыгар баҕарда уонна өйдөбүнньүк бэлэҕи туттарда.

Сэтинньи 6 күнүгэр А.И.Федотов аатынан многофункциональнай спортивнай комплекска сылын аайы ыытыллар тэрилтэлэр икки ардыларынааҕы комплекснай спартакиада волейболга күрэҕэ эр дьоҥҥо буолан ааста. Ол курдук I миэстэҕэ таҕыста Чурапчытааҕы государственнай физическай культура уонна спорт институт уонна "Чуораанчык" уһуйаан холбоһуктаах хамаандата, II миэстэ Саха республикатын баһаары утарыы государственнай служба, улуустааҕы социальнай харалта, нэһилиэнньэ дьарыктаах буолуу киинэ, Чурапчытааҕы саастарын ситэ илик оҕолору реабилитациялыыр киин холбоһуктаах хамаандалара, III миэстэ Олох-дьаһах коммунальнай хаһаайыстыбата, Улыбка уһуйаан, СЭС, Роспотребнадзор холбоһуктаах хамаандалара буоллулар.
Кэлэн көхтөөх кыттыыны ылбыт тэрилтэлэрбитигэр барҕа махталбытын тиэрдэбит, инникитин өссө да элбэх ситиһиилэри баҕарабыт.

Сэтинньи ый 1 күнүгэр, Чурапчы нэһилиэгин Александр Федотов аатынан элбэх өҥөнү оҥорор ыспартыыбынай саалаҕа, билиҥҥи кэмҥэ бэйэтин суолтатын биллэ көрдөрбүт ППМИ, быһааран эттэххэ олохтоох көҕүлээһини өйүүр бырагыраама чэрчитинэн нэһилиэнньэ улахан түмсүүтэ тэрилиннэ. Чурапчы сайдыытыгар улахан хардыылары оҥорор бырагыраама олоххо киириэхтээх сүрүн боппуруостарын таарыйар мунньахха улуус баһылыгын эбээһинэһин толорооччуну социальнай боппуруостарга солбуйааччы Николай Аммосов, тутуу уонна архитектура боппуруостарыгар солбуйааччы Руслан Васильев, Чурапчы нэһилиэгин баһылыга Владимир Сивцев, нэһилиэк баһылыгын солбуйааччы Алексей Бурцев кыттыыны ыллылар.

Олохтоох көҕүлээһини өйүүр бырагыраамаҕа Чурапчы нэһилиэгин олохтоохторун көмөлөрүнэн “Айыллаан” киинэ тыйаатырын өрөмүөнэ, “Молодежнай” түөлбэҕэ сайыҥҥы уу турбатын ситимэ, П.Е.Барахсанов аатынан сынньалаҥ пааркатын сөргүтүү, “Мурун Тыымпыйа”, “Куоҕалы”, “Спортивнай”, “Маарыкчаан” түөлбэлэргэ уулуссаны уотунан сырдатыы күүстээх үлэлэрэ олоххо киирбиттэрэ. Эһиилги 2020 сылга олоххо киириэн сөптөөх алта улахан боппуруос көтөҕүллүбүтүн олохтоох нэһилиэнньэ алтынньы ый 21 күнүттэн сэтинньи 1 күнүгэр диэри интэриниэт ситимин нөҥүө маҥнай куоластаан көрдөрдө, ол ону бигэргэтэн бүгүҥҥү улахан мунньахха 3000 кэриҥэ киһи кыттыыны ылла.
Аһаҕас микрофоҥҥа бэйэлэрин санааларын, сүбэлэрин нэһилиэк убаастанар, үлэҕэ-хамнаска инники кэккэҕэ сылдьар дьоно Иван Бушков, Варвара Пудова, Сахаайа Лаврова, Константин Лыткин, Александр Дьяконов о.д.а. тиэртилэр.
Куоластааһын баһыйар үгүс өттүн ылан 2020 сылга маҥнайгынан “Айылгы” сынньалаҥ киинин өрөмүөнэ, иккиһинэн уулуссалары сырдатыы, үсүһүнэн дьон сатыы сылдьар сирдэрин уонна төрдүһүнэн нэһилиэк киин баанньыгын өрөмүөнүн үлэлэрэ ыытыллар буоллулар, ыйыллыбыт этиилэр боротокуолга киирдилэр.
Онон Чурапчы нэһилиэгин олохтоохторо биир санаанан сомоҕо буолан түмсэн, сайдыы оҥкулун бигэтик туруорсан, үүнүү-сайдыы суолугар үктэнэр кыахтаннылар.
Ааптар: Семен Жендринскэй.

Үтүө үгэскэ кубулуйбут 13 сылын ыытыллар, саамай күүтүүлээх "Миссис Чурапча" эдэр ийэлэр күрэхтэрэ быйыл алтынньы ый 26 күнүгэр А.И.Федотов аатынан многофункциональнай комплекска үрдүк таһымҥа буолан ааста.
Ол курдук Чурапчы нэһилиэгин тэрилтэлэрин холбоһуктаах хамаандаларыттан 12 кыттааччы биэс түһүмэххэ кытыннылар. Бииртэн биир солун, сөҕүмэр элбэх дэгиттэр талааннаах, бары өттүнэн олус көхтөөх кэрэ аҥардарбыт бу киэһэ барыбытыгар дуоһуйууну, сынньалаҥы бэлэхтээтилэр. Бары тэрилтэлэр саба түһэн, көмөлөөн көхтөөх үлэ күөстүү оргуйбута сыанаҕа көрдөрүллэн дохсун ытыс тыаһынан доҕуһуолланна.

Подробнее...

Алтынньы 25 күнүгэр Чурапчыбыт килбэйэр киинигэр 240 миэстэлээх саҥа "Улыбка" уһуйаан дьиэтин үөрүүлээх аһыллыыта буолла. Манна сүрүн подрядчигынан А.А.Неустроев салайааччылаах "Силим" ХЭТ бириэмэтигэр үлэни-хамнаһы үмүрүтэн, оҕо-аймах саргытын салайсан оҕо саадын саҥа дьиэтин тутан таһаарда. Саха республикатын бастакы Ил Дарханын Егор Борисовы иитэн таһаарбыт ытык ийэ Прасковья Ильинична Борисова аата уһуйааҥҥа иҥэрилиннэ.

Подробнее...

ВНИМАНИЕ!
Администрация муниципального образования «Чурапчинский наслег» Чурапчинского улуса (района) Республики Саха (Якутия) объявляет конкурс на замещение вакантной должности муниципальной службы:
- Главного специалиста муниципального образования «Чурапчинский наслег».
Первый этап конкурса проводится «12» ноября 2019 г. в 10 часов 00 минут по адресу: с.Чурапча, ул. Ленина, д.30а. Прием документов осуществляется по адресу: с.Чурапча, ул. Ленина, д.30а, ежедневно с 09.00 до 18.00, перерыв: с 13.00 до 14.00, выходные дни - суббота и воскресенье. Прием документов по указанному адресу осуществляется до 18 часов 00 минут «11» ноября 2019 г. Контактный телефон: 8(41151)41-103.

Ийэ буолуу дьолун билбит күн күбэй ийэлэри, сиэн туhугар күннэтэ түбүгүрэр элэккэй эбээлэри, далбар хотуттары, килбик кийииттэри, кэрэ куолары, дьиэ сибэккилэрин ийэлэр күннэринэн итиитик-истиҥник эҕэрдэлиибит. Баҕарабыт эһиэхэ сахалыы сайаҕас санааны, дьолу – соргуну, үрдүктэн – үрдүгү, сырдыктан – сырдыгы!

Уважаемые жители с.Чурапча рады вам сообщить, что с 18 октября для Вас открылся зал Культурно-спортивного комплекса им. А.К. Софронова Тренажёрный зал, групповой фитнес, теннис. Работаем по режиму: 6:00-08:00 утренняя зарядка 
10:00-16:30 групповые тренировки предприятий и спортивные секции
17:00-21:00ч работает для любителей
Обращаться по телефону: 89248657587
Групповые тренировки (фитнес): 89142385242 Для пожилых людей тоже работает специалист ‼ конт тел;+7 (962) 731-87-72
Всех ждём в нашем зале. Мы за здоровый образ жизни.

Алтынньы 17-18 күннэригэр сыл устата ыытыллар улуустааҕы нэһилиэктэр икки ардыларыгар комплекснай спартакиада чэрчитинэн дуобакка уонна саахымакка күрэх буолан ааста. Уопсай түмүккэ Чурапчы нэһилиэгин хамаандата дуобакка I миэстэ, саахымакка III миэстэ буолары ситистилэр. Кыайыыны аҕалбыт күрэхтэһээччилэрбитигэр барҕа махталбытын тиэрдэбит.

17 октября специалистами Чурапчинского СРЦдН, было проведено праздничное мероприятие в честь «Дня матери». В клубе многодетных матерей «Эрэл» были проведены мастер классы по шитью и изготовлению мягкой фоторамки, шитью кухонных полотенец. Матери посетили тренинговые занятия центра психологов.

Подробнее...

Убаастабыллаах Чурапчы олохтоохторо, суоппардар! Хаар, ардах түһэн суол халтараан буолбутунан, суол быһылаана тахсыбатын наадатыттан сэрэхтээх буоларга ыҥырабыт!
Суоппардар суол быраабылатын тутуһаргыт булгуччулаах. Түргэнник айаннаамаҥ, соһуччу эргийиилэри, тохтооһуну оҥорумаҥ, бэйэ икки ардыгар интервалы тутуһуҥ. Суолу туорааччылар туруоруллубут знактаах эрэ сиринэн туораан, соһуччу суолга сүүрэн тахсыман!
Халтархайга саахал тахсыан сөп. Маны таһынан, төрөппүттэр оҕолоргутун анал олбоххо олордон тиэйиҥ. Суолга болҕомтолоох уонна сэрэхтээх буоларгытыгар ыҥырабыт!